Sunday, August 14, 2022
spot_img
spot_img

Latest Posts

මාස 04 කට රටටම ඇතිවෙන්න ගෑස් ගන්න ලෝක බැංකුවෙන් ආධාර

ලිට්‍රෝ ගෑස් සමාගම LP ගෑස් මෙට්‍රික් ටොන් 100,000 ක් ආනයනය කිරීම සඳහා ගිවිසුමකට එළඹ තිබෙනවා. මෙම ගිවිසුමට අද අත්සන් තැබූ බවයි අග්‍රමාත්‍ය මාධ්‍ය ඒ්කකය පවසන්නේ.

මෙම ගෑස් තොගයේ වටිනාකම ඇමෙරිකානු ඩොලර් මිලියන 90 කි. ලෝක බැංකුව ඩොලර් මිලියන 70 ක අරමුදල් සපයා ඇති අතර ඉතිරි ඩොලර් මිලියන 20 Litro සමාගම විසින් ලබා දී ඇත.

මෙම ගෑස් තොගය ඉදිරි මාස 04 ක ගෑස් අවශ්‍යතාවය සපුරාලීම සඳහා ප්‍රමාණවත් වනු ඇත.

ගැස් තොගයෙන් 70% ක් ගෘහස්ග පාරිභෝගිකයන් වෙත ලබාදීමටයි සැළසුම් කර තිබෙන්නේ. කිලෝග්‍රෑම් 12.5 සිලින්ඩර මිලියන 5 ක්, කිලෝග්‍රෑම් 5 සිලින්ඩර මිලියන 1 ක් සහ කිලෝග්‍රෑම් 2.5 සිලින්ඩර මිලියන 1 ක් ලබා ගැනීමට ඇස්තමේන්තු කර ඇත. ඉතිරි 30% වාණිජ්‍ය කටයුතු සඳහා භාවිතා කරනු ඇත.

ඩොලර් මිලියන 20 ක වියදමින් ලිට්‍රෝ සමාගම විසින් ලබා ගන්නා ලද LPG ටොන් 33,000 ක මූලික තොගයක් ජූලි මස මුල් සතිය වනවිට ශ්‍රී ලංකාවට පැමිණෙන අතර ගෑස් තොග පැමිණි වහාම බෙදාහැරීමේ කටයුතු ආරම්භ කරන බවයි ලිට්‍රෝ සමාගමේ බළධාරීන් පවසන්නේ.

UN

Latest Posts

spot_img

Don't Miss

Stay in touch

To be updated with all the latest news, offers and special announcements.