ඩෙංගු රෝගය වේගයෙන් ව්‍යාප්ත වීමේ ප්‍රධානතම හේතුවක් වන්නේ ජනතාව තමතමන්ගේ වගකීම නිසි ලෙස ඉටුනොකිරීම බව ජනමාධ්‍ය නියෝජ්‍ය අමාත්‍ය කෞෂල්‍යා ආරියරත්න මහත්මිය පවසයි.
“ඩෙංගු රෝගීන් විශාල ප්‍රමාණයක් ලංකාවෙන් හම්බුවෙලා තියෙනවා. ඒකට එක ප්‍රධාන හේතුවක් තමයි තමතමන්ගේ වගකීම නිසි ලෙස ඉටුනොකිරීම ලෙසයි අපි දකින්නේ. මොකද රජයකට, විශේෂයෙන් නගරසභාවලට සහ පළාත් පාලන ආයතනවලට පිරිසිදුකිරීමේ වගකීම හැරුණාම ඔබේ නිවෙස්වල, ඔබේ ගෙවත්තේ පිරිසිදුකිරීම් පිළිබඳ වගකීම පැවරෙන්නේ ඔබටමයි. ඉතින් මේක ජාතික වැඩක් හැටියට සලකලා ඔබේ අතේ තියෙන අතිමහත් වගකීම ජාතිය වෙනුවෙන් ඉෂ්ඨ කරන්න. ඔබේ නිවස පිරිසිදුව තබාගන්න බොහොම සැලකිල්ලෙන් ඉන්න”
කෞෂල්‍යා ආරියරත්න නියෝජ්‍ය අමාත්‍යවරිය මේ බව පැවසුවේ පොසොන් පෝය වෙනුවෙන් ඊයේ (29) හෝමාගම ප්‍රදේශයේ පැවති භක්ති ගීත වැඩසටහනකට එක්වීමෙන් අනතුරුව මාධ්‍ය වෙත අදහස් දක්වමිනි.
