සටහන – නිශ්මං රණසිංහ
ජූලි 01, (LNW) කොළඹ :
පැරිස් ඔලිම්පික් උළෙල සඳහා ශ්රී ලංකාවෙන් සුදුසුකම් ලැබූ පළමු ක්රීඩකයා වීමේ භාග්ය ලද විරේන් නෙත්තසිංහ එම සුදුසුකම් ලබා ගැනීමෙන් ඉනික්බිති සහභාගි වන පළමු ජාත්යන්තර තරගයට හෙට උතුරු මරියානා දිවයිනේ දී මුහුණ දීමට නියමිතයි.විරේන් ශ්රී ලංකාවෙන් සුදුසුකම් ලැබ පළමුවැන්නා මෙන්ම මෙවර ඔලිම්පික් බැඩිමින්ටන් පිටියේ දකින ලාබාලතම ක්රීඩකයා ද වෙනවා.
හෙට ආරම්භ වන CROWNE PLAZA Northern Marianas Open තරගාවලිය නියෝජනය කරන ක්රීඩකයින් 64 දෙනා අතරේ පළමු තැනට ශ්රේණිගතව සිටින්නේ විරේන් වන අතර ඔහුට පළමු වටයෙන් 32 ගේ වටයට යාම සඳහා පළමු තරගයෙන් නිතරග ජයක් හිමිව තිබෙනවා.
ජූලි 2 වන දා සිට 7 වන දා දක්වා පැවත්වෙන තරගාවලියෙන් ඉනික්බිති විරේන් එම දිවයිනේම පැවත්වෙන DOVE Saipan International 2024 පැවත්වෙන තරගාවලියට ද සහභාගිවීමට නියමිතයි.එම තරගාවලිය ජූලි 7 වන දා සිට ජූලි 14 වන දා දක්වා පැවත්වීමට නියමිතයි.
