සටහන – රෂිකා හෙන්නායක ජූලි 04,, කොළඹ (LNW):
තලාව කරගහවැව සුමුදුගම ප්රදේශයේදී වැටලීමකට ගිය තලාව පොලිස් ස්ථානාධිපතිවරයාට ප්රහාරයක් එල්ල වී ඇති බව වාර්තා වේ.
නීති විරෝධී අයුරින් මත්පැන් නිෂ්පාදනය කරන බවට ලැබුණ තොරතුරකට අනුව සුමුදුගම ප්රදේශයේ වැටලීමක් ක්රියාත්මක වී ඇති අතර, එහිදී මත්පැන් නිෂ්පාදනය කරමින් සිටි ප්රධාන සැකකරු සහ තවත් පුද්ගලයින් කිහිප දෙනෙකු පොලීසියට විරෝධය පල කර තිබෙන බව සඳහන් වේ.
ප්රධාන සැකකරු අත්අඩංගුවට ගැනීමට උත්සාහ කළ අවස්ථාවේදී , තලාව පොලිස් ස්ථානාධිපති මහින්ද බණ්ඩාර ලන්සක්කාර මහතාට තියුණු ආයුධයකින් පහර දුන් බව තොරතුරු සඳහන් වේ.
හිසට හා අතකට කැපුම් තුවාල සිදුවීම හේතුවෙන් ඒ මහතා තලාව රෝහලට ඇතුළත් කර ඇති බවත්, පසුව වැඩිදුර ප්රතිකාර සඳහා අනුරාධපුර ශික්ෂණ රෝහලට මාරු කර යවා තිබෙන බව වැඩිදුරටත් තොරතුරු වාර්තා වේ.