රෂිකා හෙන්නායක ජූනි 04, කොළඹ LNW :
අද (04) දිනයේ සිට , වාර්ෂික බස් ගාස්තු සංශෝධනයට අනුව බස් ගාස්තුව අඩු වන බව ජාතික ගමනාගමන කොමිෂන් සභාව පවසයි.
එම කොමිසම පෙන්වාදෙන්නේ,. නව ගාස්තු සංශෝධනය යටතේ සාමාන්‍ය සේවා අවම බස් ගාස්තුව වන රුපියල් 27, දෙවන ගාස්තු අවස්ථාව වන රුපියල් 35 මෙන්ම රුපියල් 45 ගාස්තුවේ වෙනසක් සිදුනොවන බවයි.
නව ගාස්තු සංශෝධනයට අනුව, රුපියල් 56, 77, 87, 117, 136, 141 ඇතුලූ ගාස්තු අවස්ථා කිහිපයක් අඩුවන්නේ රුපියලකිනි.
ඊට අමතරව සෙසු ගාස්තු අවස්ථා රුපියල් 2,3 ආදී වශයෙන් අඩුවන අතර, සාමාන්‍ය සේවා උපරිම ගාස්තුව වන රුපියල් 2170 රුපියල් 11 කින් අද සිට අඩු වේ.
ජාතික ගමනාගමන කොමිෂන් සභාව නිවේදනය කළේ , මෙම බස් ගාස්තු අඩුවීම සාමාන්‍ය සේවා, අර්ධ සුඛෝපභෝගී සේවා, අධි සුඛෝපභෝගී සේවා මෙන්ම අධිවේගී මාර්ගවල සියලූ බස් රථ සදහා අදාළ බවයි .
ජුලි මස 01 වනදා සිට වාර්ෂික බස් ගාස්තු සියයට 2.5කින් පහළ දමන බව එම කොමිසම මීට පෙර ප්‍රකාශ කළ ද පසුගිය 1 වැනිදා සිදුවූ ඉන්ධන මිල සංශෝධනයට අනුව ඩීසල් මිල රුපියල් 15කින් ඉහළ යෑමත් සමඟ එම තීරණය වෙනස් විය.
ජාතික ගමනාගමන කොමිෂන් සභාව කියා සිටියේ නව ඉන්ධන මිල ගැලපුමට අනුව බස් ගාස්තු අඩුකළ හැක්කේ සියයට 0.55ක ප්‍රතිශතයෙන් පමණක් බවයි.
ඒ අනුව, ඉහත සඳහන් පරිදි අද දිනයේ සිට අඩු වූ බස් ගාස්තු අයකිරීම ක්‍රියාත්මක වන බව සඳහන් වේ
