කොළඹ LNW:හිටපු සෞඛ්‍ය අමාත්‍ය කෙහෙළිය රඹුක්වැල්ල ඇතුළු පවුලේ සාමාජිකයින් කිහිපදෙනෙකුගේ ස්ථාවර තැන්පතු ගිණුම් සහ ජීවිත රක්ෂණ ඔප්පු මාස 3කට අත්හිටුවීමට අධිකරණය අද (05) නියෝග කළේය.
කොළඹ මහාධිකරණ විනිසුරු මංජුල තිලකරත්න මහතා විසින් එම නියෝගය නිකුත්කළ අතර එම ස්ථාවර තැන්පතු ගිණුම් සහ ජීවිත රක්ෂණ ඔප්පු වල වටිනාකම රුපියල් මිලියන 97කට අධික බවයි වාර්තා වන්නේ.
මෙම ගිණුම් තාවකාලිකව අත්හිටුවීම සඳහා මහාධිකරණය වෙත කරුණු දක්වා තිබුණේ අල්ලස් හෝ දුෂණ චෝදනා විමර්ශන කොමිෂන් සභාව විසිනි.
එම බැංකු ගිණුම් සහ ජීවිත රක්ෂණ ඔප්පු පවත්වාගෙන ගොස් ඇත්තේ හිටපු අමාත්‍යවරයා, ඔහුගේ බිරිඳ, දියණියන් දෙදෙනා සහ එක් දියණියකගේ ස්වාමි පුරුෂයාගේ නමිනි.
සැකකටයුතු ගණුදෙනු වලින් එම මුදල් උපාය ගෙන ඇති බවට වන සැකය මත විමර්ශන සඳහා එලෙස තාවකාලික තහනමකට ලක් කර ඇත.
ආශිකා බ්‍රාහ්මණ
