නිශ්මං රණසිංහ ජූලි 05, කොළඹ LNW:
ශ්‍රී ලංකාව සහ බංගලාදේශය අතර පැවත්වෙන දෙවන එක්දින තරගය අද (ජූලි 5 වන දා) ආර් ප්‍රේමදාස ක්‍රීඩාංගණයේදී ආරම්භවීමට නියමිතව තිබෙනවා.මෙ මොහොත වන විට කොළඹ අහස තරගයට අරියාදු කරන්නට එන බවක් දැකිය නොහැකි අතර හදිසියේ එවැනි තත්ත්වයක් ඇති නොවන්නේනම් තරගය සඳහා සපුරා යහපත් තත්ත්වයක් දකින්නට තිබෙනවා.
ශ්‍රී ලංකාව ජය ගත් පළමු තරගයේදී බංගලාදේශ පන්දු යවන්නන් අතරින් ඔවුන්ගේ වේග පන්දු යවන්නන් හොඳ මට්ටමක සිටියත් ශ්‍රී ලංකා කඳවුරේ වැඩි ගෙරව දිනා ගත්තේ දඟ පන්දු යවන්නෝ වීම නිසා අද දිනයේ මිලාන් රත්නායක වෙනුවට දුනිත් වෙල්ලාලගේ කැදවා ඇත. පළමු තරගය ක්‍රීඩා කළ ඒෂාන් මාලිංග වෙනුවට කළෙකට පසු එක්දින පිටියට දුෂ්මන්ත චමීර කැඳවීමට ද තීරණය කර තිබෙනවා.
ශ්‍රී ලංකාව මේ තරගය ජය ගතහොත් පිට පිටම ජයගනු ලබන පස්වන තරගය මෙය වෙනවා.එසේම බංගලාදේශය තරග හයක් තුළ එකම ජයග්‍රහණයක් වාර්තා කර නැති අතර එක් තරගයක් විසඳුමකින් තොරය අවසන් කර තිබෙනවා.
