Sunday, August 14, 2022
spot_img
spot_img

Latest Posts

දුකට කියන රැප් ඥානා අක්කෙ..

ඥානක්කේ කෝ මේ ජෝකර නළුවා
ලගින සියලු ගුබ්බෑයම්වල බැලුවා
ඇඟේ පෙරෝගෙන සීතම්බර සළුවා
ඩෙඟා නටන උඹෙ හුරතල් පොඩි කොලුවා

හෙව්වා අනේ වැඳ වැඳ අටමස්ථානේ
හෝටලෙ හදන තැන බැලුවා ඔහෙ නෑනේ
පැම්පස් ගෙනාවා ලොරියක් අපෙ ගානෙ
හොයා දියන් අක්කේ අපෙ නන්නානේ

වැඩම කරන විරුවා රණවිරු නයිද
රටම හොයනවා අක්කේ කෝ කොයි ද
වටම ගිහිල්ලා අපහු ගෙට එයි ද
රසම පොඩි රෝස් දුන්නත් නයි කයි ද

මයිනා උගන්ඩාවෙන්මයි තේ බොන්නේ
කපුටා ප්ලේන් පැත්තටමයි පාවෙන්නේ
බෙරවා පයට පිටිකර ඔසු පේ වෙන්නේ
විරුවා දකිනතුරු හිත නෑ වාවන්නේ

බංකර හදාගෙන අඳුරෙම නිදනවද
අන්තර පැටව් දැක හීනෙන් ගැහෙනවද
පිංබර රංකඳට මදුරුවො විදිනවද
මන්තර ලඳුනි අනෙ විස්තර කියනවද

නින්දේ නපුරු හීනෙං විතරයි දැක්කේ
ඡන්දේ බිජුව උඹ මිස කවුරුදු රැක්කේ
දුන්දේ පමණි මතුවට පිං විය හැක්කේ
නන්දේ හොයා දීපන් බුදු ඥානක්කේ

– කෞ ද බෝයි

තව එකකින් හම්බෙමු

Latest Posts

spot_img

Don't Miss

Stay in touch

To be updated with all the latest news, offers and special announcements.