අහසට වෙඩි තබා පුද්ගලයන් බිය වැද්දීමේ චෝදනාවක් ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රීවරයෙකුට එල්ල වී තිබෙනවා. මෙම චෝදනාව එල්ල වී තිබෙන්නේ පාර්ලිමේන්තු මන්ත්‍රී ලලිත් වර්ණ කුමාර මහතාටයි.
හොරණ ප්‍රදේශයේ බණ ගෙදරකදී ලලිත් වර්ණ කුමාර මන්ත්‍රීවරයා සිය පක්ෂයේම මන්ත්‍රීවරයෙකුගේ ආධාරකරුවන් පිරිසක් සමග මතගැටුමක් ඇති කරගෙන තිබෙනවා. ඉන් අනතුරුව මන්ත්‍රීවරයා අහසට වෙඩි තබා එහි සිටි පිරිස බියවද්දා පළාගොස් ඇති බවයි වාර්තා වන්නේ.
වෙඩි ප්‍රහාරයෙන් කිසිවෙකුටත් හානියක් සිදුව නොමැති අතර සිදුවීම සම්බන්ධයෙන් නිවසේ හිමිකරු පැමිණිල්ලක් සිදුකර තිබෙනවා.
UN
