ජනාධිපති ගෝඨාභය රාජපක්ෂ මහතා සහ මෙරට ඉරාන තානාපති හෂෙම් අෂ්ජාසාදේ මහතා අතර සාකච්ඡාවක් අද කොළඹ කොටුව ජනාධිපති මන්දිරයේදී පැවැත්විණි. වෙළඳ හා ආයෝජන ක්ෂ්ත්‍රවල ද්විපාර්ශ්ව සබඳතා වර්ධනය කර ගැනීම සම්බන්ධයෙන් මෙහිදී අවධානය යොමුව තිබේ.
ශ්‍රී ලංකාවෙන් ඉරානයට තේ අපනයනය කර තේ වෙනුවට තෙල් හුවමාරු කර ගැනීමේ වැඩසටහනක් ආරම්භ කිරීමට ඇති හැකියාව සම්බන්ධයෙන්ද මෙම සාකච්ඡාවේදී අවධානය යොමුව තිබෙනවා.
මේ අතර ඉරාන ආධාර යටතේ ඉදිවන උමාඔය ව්‍යාපෘතියේ ඉදිකිරීම් සම්බන්ධයෙන් ජනාධිපතිවරයා, ඉරාන තානාපතිවරයා දැනුවත් කර ඇති අතර මෙගාවොට් 120 ක ධාරිතාවයකින් යුක්ත මෙම ව්‍යාපෘතියේ වැඩ කඩිනමින් අවසන් කිරීම සඳහා ඉරානය ලබාදෙන සහයෝගය සම්බන්ධයෙන් ස්තුතිය පුදකර තිබෙනවා.
UN
