සටහන – රුවන් නෙළුගොල්ල
මීගමුව බන්ධනාගාරයේදී ඇතිවූ ගැටුමෙන් ජීවිතක්ෂයට පත්වූ නිලධාරීන් 08 දෙනාට බන්ධනාගාර දෙපාර්තමේන්තුව විසින් උසස්වීම් ලබාදී තිබේ.
ඒ අනුව, ඝාතනයට ලක්වූ දෙවන පෙළ ජේලර් S.H.S.චන්ද්‍රවංශ මහතා පළමු පෙළ ජේලර්වරයෙක් ලෙසත්, අනෙකුත් නියාමකවරුන් සැරයන් තනතුරුවලටත් උසස්කර ඇති බවයි බන්ධනාගාර දෙපාර්තමේන්තුව සඳහන් කරන්නේ.
එසේ සැරයන් තනතුරට උසස්වීම් ලබාදී ඇත්තේ S.D.අබේවර්ධන, B.N. තරංග, A.D තරංග, D.W. පුෂ්පකුමාර, R.R.සංජීව, T.R. තිලකසිරි සහ M.G. උපාලි යන නිලධාරීන්ට ය.
මෙම උසස්වීම් ඔවුන් මියගිය දිනයේ සිට ක්‍රියාත්මක වන පරිදි ලබාදී ඇත.
එමෙන්ම මියගිය නිලධාරීන්ගේ සමීපතම ඥාතීන් වෙත මේ වනවිට රුපියල් ලක්ෂ 05 බැගින් වන්දි මුදලක් ද ලබාදී ඇති බවයි බන්ධනාගාර මාධ්‍ය ප්‍රකාශකවරයා සඳහන් කළේ.
