කොළඹ අරලියගහ මන්දිරය අරගලකරුවන් අතට පත්වීමෙන් පසු එහි තිබූ ඇතැම් භාණ්ඩ සොරාගෙන ගොස් ඇති බව අග්‍රාමාත්‍ය මාධ්‍ය ඒකකය පවසනවා. එම ඒකකය සතුව තිබූ ලැප්ටොප් පරිගනක දෙකක්, වීඩියෝ කැමරාවක් සහ තවත් කැමරා උපකරණ කිහිපයක් අස්ථානගත වී තිබෙනවා.
මේ සම්බන්ධයෙන් අග්‍රාමාත්‍ය මාධ්‍ය ඒකකය කොල්ලුපිටිය පොලීසිය වෙත පැමිණිලි කර තිබෙනවා.
අරලියගහ මන්දිරය අරගලකරුවන් අතට පත්වීමෙන් පසුව එහි දෛනික කටයුතු අත්හිටුවීමට සිදු වූ අතර කෙසේ නමුත් මාධ්‍ය ඒකකය එම පරිශ්‍රයේ කොටසක ස්ථාපිත කර තිබෙනවා.
මේ අතර ඇතැම් ගොඩනැගිලිවල බිත්ති අතර ගුල් හාරා ඇති බවත්, ලියකියවිලි විශාල ප්‍රමාණයක් විනාශ කර දමා ඇති බවත් අග්‍රාමාත්‍ය මාධ්‍ය ඒකකය පවසනවා.
UN
