නිර්පාක්ෂික අරගලයේ නායකයන් පිරිසක් අද පාර්ලිමේන්තුවේ පක්ෂ නායකයන් සමග විශේෂ සාකච්ඡාවක් පැවැත්වීමට නියමිතව තිබිණි. අද පස්වරු 2.30 ට මෙම සාකච්ඡාව පැවැත්වීමට නියමිතව තිබූ අතර කෙසේ නමුත් අදාල සාකච්ඡාව කල්දැමීමට තීරණය කර තිබෙනවා.
ඊයේ පැවති පාර්ලිමේන්තු කටයුතු පිළිබඳ කාරක සභාවේදී, අරගලයේ නායකයන් හමු වී සාකච්ඡා පැවැත්වීමට පක්ෂ නායකයන් එකඟතාවය පළකර තිබිණි.
මෙම සාකච්ඡාව කල්දැමීමට හේතු වූ කරුණු මොනවාද යන්න අනාවරණය වී නොමැත.
මේ අතර පාර්ලිමේන්තු කටයුතු පිළිබඳ කාරක සභාවේ රැස්වීමක්ද අද පැවැත්වීමට නියමිතව තිබූ අතර එයද කල්දමා තිබෙනවා.
අරගලයේ නායකයන් අද කතානායක මහින්ද යාපා අබේවර්ධන මහතා සමග සාකච්ඡාවක් පැවැත්වූ අතර ඒ සඳහා අරගලයේ නායකයන් 25 දෙනෙකු සහභාගි වී තිබේ.
UN
