පාර්ලිමේන්තුවේ පොදු ව්‍යාපාර කාරක සභාව (කෝප් කමිටුව) විසින් අනාවරණය කරගත් රාජ්‍ය ආයතන ආයතන හයක දූෂණ, වංචා සහ අක්‍රමිකතා පිළිබඳ සියලුම තොරතුරු වාර්තා අපරාධ පරීක්ෂණ දෙපාර්තමේන්තුව වෙත භාරදීමට තීරණය කර තිබේ.
ජාතික ඖෂධ නියාමන අධිකාරිය, ජාතික මැණික් හා ස්වර්ණාභරණ අධිකාරිය, ඉඩම් ප්‍රතිසංස්කරණ කොමිෂන් සභාව (LRC), මහපොළ භාරකාර අරමුදල, සබරගමුව විශ්වවිද්‍යාලය සහ ශ්‍රී ජයවර්ධනපුර රෝහල යන ආයතනවල දූෂණ, වංචා, අක්‍රමිකතා පිළිබඳ වාර්තා මෙසේ නුදුරේදීම CIDය වෙත භාරදීමට නියමිත බවයි කෝප් කමිටුවේ සභාපති නිශාන්ත සමරවීර මහතා සඳහන් කළේ.
මෙම ආයතනවල සිදුව ඇති දුෂණ, වංචා අතරින් බරපතළම ඒවා වෙනම තෝරාගෙන මෙසේ නීතිමය ක්‍රියාමාර්ග ගැනීම සඳහා CIDයට භාරදෙන බවත් සභාපතිවරයා පැවසීය.
