පාර්ලිමේන්තු පිවිසුම් මාර්ගය වන පොල්දූව හන්දියේද විරෝධතාකරුවන් විශාල ප්‍රමාණයක් එක්රැස්වී සිටි අතර එම ස්ථානයටද පොලීසිය කඳුළු ගෑස් ප්‍රහාර එල්ල කරමින් සිටිනවා.
කෙසේවෙතත් එහි තවදුරටත් විරෝධය ක්‍රියාත්මක බවයි එම ස්ථානයේ රැඳී සිටින අප වාර්තාකරු පැවසුවේ.
මේ වන විට කඳුළු ගෑස් ප්‍රහාරයන්ට මුහුණ දෙමින් විරෝධතාකරුවන් ඉදිරියට ඇදෙමින් සිටින අතර පළමු මාර්ග බාධකය බිඳ හෙළමින් කථානායක නිලනිවස ඉදිරිපිටට පැමිණ සිටින බව සඳහන්.
විරෝධතාකරුවන්ගේ ඉල්ලකය පාර්ලිමේන්තුවට පිවිසීම වන අතර මේ වන විට පක්ෂ නායක රැස්වීමද පාර්ලිමේන්තුවේ කමිටු කාමර අංක 02හි පැවැත්වෙන බවද වාර්තා වෙනවා.
ASK
