සටහන – රෂිකා හෙන්නායක
කොළඹ (LNW): හසිත් නවරත්න නමැති 34 හැවිරිදි වියේ පසුවූ ශ්‍රී ලාංකිකයෙකුගේ මළසිරුරක් අමෙරිකාවේ Atlanta හි මෝටර් රථයක් තුළ තිබී සොයාගෙන ඇති බව විදෙස් මාධ්‍ය වාර්තා කරනවා.
ඔහු පසුගිය 07 වනදා සිට අතුරුදන්ව සිට ඇති අතර මෙම පුද්ගලයා අවසන් වරට Atlanta වෙත මෝටර් රථයකින් ගමන් කර ඇති අතර , මෙම පුද්ගලයා මිය ගිය ආකාරය සම්බන්ධයෙන් මෙතෙක් තොරතුරු අනාවරණය වී නොමැති අතර ඔහුගේ මළ සිරුර සොයාගන්නා අවස්ථාවේ දී එය හඳුනාගත නොහැකි තත්ත්වයක පැවති බවයි පැවසෙන්නේ.
කෙසේවෙතත් මියගිය පුද්ගලයාගේ පවුලේ අය විසින් ඔහුගේ මළ සිරුර හඳුනාගෙන තිබෙන අතර , සිද්ධිය සම්බන්ධයෙන් එරට ආරක්ෂක අංශ විසින් විමර්ශන ආරම්භ කර ඇති බවයි විදෙස් මාධ්‍ය වාර්තා කරයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
