කොළඹ “සිටි ඔෆ් ඩ්රීම්ස් ශ්රී ලංකා” ව්යාපෘතිය සහ නවතම කැසිනෝ ශාලාව විවෘත කිරීමේ උත්සවයට සුපිරි බොලිවුඩ් නළු ශාරුක් ඛාන් සහභාගී නොවන බව දැනුම් දී ඇතැයි වාර්තා වේ.
මෙම උත්සවය ශාරුක් ඛාන්ගේ සහභාගීත්වයෙන් අගෝස්තු 02 වනදා පැවැත්වීමට සියලු කටයුතු සූදානම් කර තිබිණි.
එහෙත් නොවැළැක්විය හැකි පෞද්ගලික හේතුවක් මත ඔහු ඊට සහභාගී නොවන බවයි දැනුම් දී ඇත්තේ.
කෙසේවෙතත් උත්සවයේ සංවිධායකයින් සඳහන් කරන්නේ ශාරුක් ඛාන් සහභාගී නොවූවත් “සිටි ඔෆ් ඩ්රීම්ස් ශ්රී ලංකා” විවෘත කිරීමේ උත්සවය දේශීය සහ විදේශීය විශේෂාංග ඇතුළත්ව සුවිශේෂී ආකාරයෙන් ඉදිරියේදී පැවැත්වෙනු ඇති බවත් ඒ සම්බන්ධයෙන් ඉදිරි දිනවලදී වැඩිවිස්තර නිවේදනය කෙරෙනු ඇති බවත් ය.
ශාරුක් ඛාන් මෙසේ ශ්රී ලංකාවට පැමිණීමට නියමිතව තිබුණේ වසර 20 කට පසුව ය.
