හිටපු පොලිස්පති සී.ඩී. වික්‍රමරත්න මහතා සියදිවි හානි කරගෙන ඇති බව වාර්තා වේ.
ඔහු අතුරුගිරිය ප්‍රදේශයේ පිහිටි තම නිවසේදී වෙඩිතබාගෙන සියදිවි නසාගෙන ඇති බව සඳහන්.
වෙඩිවැදී සිටි ඔහුව අද (17) උදෑසන මුල්ලේරියාව රෝහලට රැගෙන ගියත් රෝහලට ඇතුළත් කරන මොහොත වනවිටත් ඔහු මියගොස් සිටි බවයි රෝහල් ආරංචිමාර්ග පැවසුවේ.
සී.ඩී. වික්‍රමරත්න මහතා වැඩබලන පොලිස්පති වශයෙන් පත්කරන ලද්දේ 2019 වසරේදී පාස්කු ප්‍රහාරයෙන් අනතුරුව එවකට පොලිස්පති පූජිත් ජයසුන්දර මහතාව අනිවාර්ය නිවාඩු යැවීමෙන් පසුව ය. 2020 2020 නොවැම්බර් 25 වන දින ඔහුව පොලිස්පති තනතුරේ ස්ථිර කෙරුණු අතර 2023 නොවැම්බර් 25 වනදා විශ්‍රාම යනතුරුම ඔහු පොලිස්පතිවරයා වශයෙන් සේවය කළේය.
