සටහන – රෂිකා හෙන්නායක
කොළඹ (LNW): පසුගිය දා එකපෙළට සිදුවූ අසාත්මිකතා හේතුවෙන් රෝගීන් කිහිපදෙනෙකු මියයාමේ සිද්ධීන් පිළිබඳ සොයා බැලීමට සෞඛ්ය අමත්ය කෙහෙළිය රඹූක්වැල්ල මහත සමාජිකයින් 06 දෙනෙකුගෙන් සමන්විත කමිටුවක් පත් කළ අතර, අසාත්මිකතා හේතුවෙන් රෝගීන් කිහිපදෙනෙකු මියයාමේ සිද්ධීන් පිළිබඳ පරීක්ෂණ වාර්තාව සති 3 කින් පමණ ලබාදීමට බලාපොරොත්තුවන බව කමිටු සමාජික වෛද්ය ආචාර්ය චන්දිම ජීවන්දර මහතා පවසයි.
මෙම සිද්ධීන් පිළිබඳ සොයා බැලීමට පත් කළ කමිටුව අද (18) රැස්වී ඒ සම්බන්ධයෙන් වන ඉදිරි වැඩපිළිවෙළ සාකච්ඡා කරන බව වෛද්ය ආචාර්ය චන්දිම ජීවන්දර මහතා පවසයි.
බොරැල්ල වෛද්ය පර්යේෂණ ආයතනයේ අධ්යක්ෂවරයා එම කමිටුවේ සභාපතිත්වය දරනු ලබයි.
පේරාදෙණිය ශික්ෂණ රෝහලේ ගැබිණි මවක ඇතුළු කාන්තාවන් දෙදෙනෙකු නිර්වින්දන ඖෂධයක් ලබාදීමෙන් පසුව මියයාම මෙන්ම උදරාබාධයකට ප්රතිකාර ලබන අතරවාරයේ 21 හැවිරිදි තරුණියක මිය යාම ද මෙම සොයා බැලීමට තුඩු දුන් ප්රධාන හේතු වේ.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
