රෂිකා හෙන්නායක ජූලි 19, ලෝකය (අවුට්බවුන්ඩ් ටුඩේ):
තවත් මාසයකින් දීර්ඝ කරමින්, ඉන්දීය ගුවන් යානා සඳහා පාකිස්ථානය විසින් සිය ගුවන් අවකාශය වසා දැමීම අගෝස්තු 24 වැනිදා දක්වා දීර්ඝ කර තිබේ.
ඒ අනුව ඉන්දියානු ගුවන් සමාගම් විසින් ක්‍රියාත්මක කරන, හෝ බදු දී ඇති හමුදා සහ සිවිල් ගුවන් යානාවලට තම ගුවන් අවකාශය භාවිතා කිරීමට අවසර නොමැති බව, පාකිස්ථාන ගුවන්තොටුපළ අධිකාරිය පවසයි.
ඉන්දීය ගුවන් යානා සඳහා පාකිස්ථාන ගුවන් අවකාශයට ඇතුළු වීම පළමු වරට තහනම් කලේ පසුගිය අප්‍රේල් 30 වැනිදායි. ඒ ඉන්දියාවේ පහල්ගම් ත්‍රස්ත ප්‍රහාරයෙන් පසුව, පාකිස්තානයට එරෙහිව ඉන්දීය රජය ගත් පියවරවල කොටසක් ලෙස වන අතර, අප්‍රේල් 22 වැනිදා එල්ල වූ එම ත්‍රස්ථ ප්‍රහාරයෙන් මියගිය පුද්ගලයින් සංඛ්‍යාව 26 ක් බව විදෙස් මාධ්‍ය වාර්තා කළේය
