කොළඹ LNW: මෙරට ආණ්ඩුක්‍රම ව්‍යවස්ථාව අනුව කැබිනට් මණ්ඩලය විසින් අනුමත කරපු ව්‍යවස්ථා සංශෝධනයක් පාර්ලිමේන්තුවේ තුනෙන් දෙකක බලයෙන් සම්මත වී ජනමත විචාරණයකට යා යුතුවන බව ව්‍යවස්ථාවේ ප්‍රතිපාදනය වන හෙයින් එය කිසිවෙකුට හෝ උල්ලංඝනය කළ නොහැකි බව පාර්ලිමේන්තු මන්ත්‍රී ගාමිණී වලේබොඩ මහතා පැවසුවේය.
ඒ, අද (20) කොළඹදී මාධ්‍ය හමුවක් කැඳවමිනි.
ව්‍යවස්ථාවට අනුව එම ක්‍රියාවලිය සිදුවිය යුතු වන අතර ව්‍යවස්ථා විශාරදයින් මීට වඩා මතයක් ඉදිරිපත් කරනවා විය හැකි බවයි වලේබොඩ මහතා සඳහන් කළේ.
කෙසේවෙතත් පාර්ලිමේන්තුව තුළ මෙය තුනෙන් දෙකකින් සම්මත නොවුණහොත් පාර්ලිමේන්තුව විසුරුවා හැරීමේ හැකියාවක් ජනාධිපතිවරයාට පවතින හෙයින් එසේ වුවහොත් මැතිවරණ දෙකක්ම එකට පැමිණිය හැකි බවයි මන්ත්‍රීවරයා කියාසිටියේ.
මේ අතර මෙම 22 වැනි සංශෝධනයට ශ්‍රී ලංකා පොදුජන පෙරමුණේ සහයද හිමිවිය හැකි අතර ඔවුන්ග්ගේ හැසිරීම විශ්වාස කළ නොහැකි අතර නායකත්වය පවසන දේ එම මන්ත්‍රී කණ්ඩායම සිදුකරන බව වලේබොඩ මහතා වැඩිදුරටත් සඳහන් කරන ලදී.
ආශිකා බ්‍රාහ්මණ
