රෂිකා හෙන්නායක ජූලි 20, කොළඹ LNW :
එන්. ආර්. අනීස් මහතා මුදල් කොමිෂන් සභාවේ නව සභාපතිවරයා සහ සාමාජිකයෙකු ලෙස ජනාධිපති අනුර කුමාර දිසානායක මහතා විසින් පත් කර ඇති බව ජනාධිපති මාධ්‍ය අංශය (PMD) නිවේදනය කළේය.
එම කොමිෂන් සභාවේ සෙසු සාමාජිකයින් ලෙස ජේ. එම්. සී. ජේ. විජේතුංග සහ කේ. කරුණාහරන් යන මහත්වරුන් පත් කරනු ලැබ ඇත.
අද (20) පස්වරුවේ ජනාධිපති කාර්යාලයේදී ජනාධිපති ලේකම් ආචාර්ය නන්දික සනත් කුමනායක මහතා විසින් අදාළ පත්වීම් ලිපි එම නිලධාරීන් වෙත ප්‍රදානය කරන ලදී.
මුදල් කොමිෂන් සභාවේ පෙර සාමාජිකයින්ගේ ධුර කාලය අවසන් වීමෙන් පසු ඇති වූ පුරප්පාඩු පිරවීම සඳහා මෙම පත්වීම් සිදු කරනු ලැබීය.
