69 ලක්ෂයකට අධික මනාප සංඛ්‍යාවක් ලබා ගනිමින් බලයට පත් වූ හිටපු ජනාධිපතිවරයාට ධුරය හැර යාමට සිදු වූයේ ජනතා මතයට කන් නොදුන් නිසා බවත් මේ බව පාර්ලිමේන්තුවේ සිටින සියලු දෙනා හොදින් අවබෝධ කර ගත යුතු බවත් එසේ නොවුනහොත් සිදු වන්නේ හිටපු ජනාධිපතිවරයට වුන දේ බවත් අද පාර්ලිමේන්තුව අමතමින් විපක්ෂ නායක සජිත් ප්‍රේමදාස මහතා පැවසීය. විපක්ෂ නායක සජිත් ප්‍රේමදාස මහතා මේ බව පවසා සිටියේ ඊයේ (20) පාර්ලිමේන්තුවේ දී ය.
පාර්ලිම්න්තුව තුළ තිබිය යුතුතේ ව්‍යවස්ථානුකූලතවය බවත් එසේ නොමැතිව කැලෑ නීතිය රජ කිරීම නොවන බවත් පැවසූ විපක්ෂ නායකතුමා වැඩිදුරටත් කියා සිටියේ තමා ජනාධිපතිවරණ අපේක්ෂයකු ලෙස ඉදිරිපත් නොවුනේ 2019 මහමැතිවරණයේ ජනවරමට ගරු කරමින් බවද පැවසීය. එසේම විපක්ෂයක් ලෙස පසුගිය කාලයේ හුස්ම වැඩසටහන ක්‍රියාත්මක කරමින් ජනතාව වෙනුවෙන් විශාල වැඩකොටසක් ඉටු කළ බව පැවසු විපක්ෂ නායකවරයා වැඩිදුරටත් කියා සිටියේ බලය තිබුනා හෝ නැතා ජනතාව වෙනුවෙන් නිරන්තරෙයන් කැපවන බවයි.
ඉදිරි කටයුතු කරගෙන යාම සඳහා අභිනව ජනාධිපති වරයාට සුභ පතන බව පැවසූ විපක්ෂ නායකතුමා, රට ගොඩනැගීම සියලු දෙනාගේ අපේක්ෂාව විය යුතු බවද පැවසීය.
RN
