අත්අඩංගුවට ගත් හිටපු කම්කරු හා විදේශ රැකියා අමාත්‍ය මනූෂ නානායක්කාර මහතාගේ පෞද්ගලික ලේකම් ශාන් යහම්පත් මහතාව ඇප මත නිදහස් කිරීමට කොළඹ මහේස්ත්‍රාත් අධිකරණය නියෝග කර තිබේ.
අල්ලස් හෝ දූෂණ චෝදනා විමර්ශන කොමිසම විසින් ශාන් යහම්පත් මහතාව අද (22) දහවල් අත් අඩංගුවට ගෙන තිබිණි.
ඔහුව කොළඹ අතිරේක මහෙස්ත්‍රාත් හර්ෂණ කැකුණවල මහතා හමුවට ඉදිරිපත් කළ අවස්ථාවේදී දෙපාර්ශ්වයම ඉදිරිපත් කළ සලකා බැලූ මහේස්ත්‍රාත්වරයා සැකකරු රුපියල් ලක්ෂ 25 බැගින් වූ ශරීර ඇප දෙකක් මත මුදා හැරීමට නියෝග කළ අතර ඔහුගේ විදෙස් ගමන් තහනම් කිරීමට නියම කළේය.
ශාන් යහම්පත් මහතා වෙනුවෙන් ජනාධිපති නීතීඥ නෙවිල් අබේරත්න මහතා සමග ජ්‍යේෂ්ඨ නීතීඥ ගුණරත්න වන්නිනායක, ජ්‍යේෂ්ඨ නීතීඥ සංජීව ඇන්තනි සහ ප්‍රදීප් ගමගේ යන මහත්වරුන් පෙනී සිටියහ.
