රෂිකා හෙන්නායක ජූලි 22, ලෝකය (අවුට්බවුන්ඩ් ටුඩේ):
ගැම්බියාවේ සිට යුරෝපය බලා යාත්‍රා කළ සරණාගතයින් රැගත් බෝට්ටුවක් මොරිටේනියානු වෙරළට ඔබ්බෙන් අනතුරට පත්වීමෙන් පුද්ගලයන් 140කට වැඩි පිරිසක් මියගොස් හෝ අතුරුදහන් වී ඇති බව විදෙස් මාධ්‍ය වාර්තා කරයි.
දින 25ක් මුහුදේ අතරමංව තිබූ මෙම යාත්‍රාව සොයා ගන්නා විට එහි සිටියේ දිවි ගලවා ගත් පුද්ගලයන් 38 දෙනෙකු පමණක් බව එක්සත් ජාතීන්ගේ සරණාගත ඒජන්සිය සඳහන් කරයි.
කැනරි දූපත් කරා යන මෙම සාගර මාර්ගය ලොව වඩාත්ම අවදානම් සහගත ගමන් මාර්ගයක් ලෙස හඳුනාගෙන ඇති අතර, අධික පිරිසක් පැටවීම සහ ඉන්ධන හිඟවීම මෙම ඛේදවාචකයට හේතු වී ඇත.
යුරෝපා සංගමයේ මැදිහත්වීම මත ක්‍රියාත්මක වන දැඩි නීති රීති හේතුවෙන් සරණාගතයින්ට වඩාත් භයානක සහ දිගු මුහුදු ගමන් තෝරා ගැනීමට සිදුව ඇති බව වැඩිදුරටත් දැක්වේ.
මෙම තත්ත්වය අවම කිරීම සඳහා අධ්‍යාපනය සහ රැකියා අවස්ථා ඉහළ නැංවීමේ අවශ්‍යතාවය එක්සත් ජාතීන්ගේ සංවිධානය අවධාරණය කරයි.
