සටහන – රෂිකා හෙන්නායක
කොළඹ (LNW): අද (22) පෙරවරුවේ ජනාධිපති මාධ්ය කේන්ද්රයේ පැවති සාකච්ඡාවට එක්වෙමින් අමාත්යවරයා පැවසුවේ , ඉන්දියානු සාගර කලාපය තුළ ඇති සංවර්ධන අවකාශයන්ගෙන් උපරිම ප්රයෝජන ලබා ගැනීම ජනාධිපති රනිල් වික්රමසිංහ මහතාගේ අපේක්ෂාව බව විදේශ කටයුතු අමාත්ය අලි සබ්රි මහතා පැවසීය.
ලෝකයේ කිසිඳු රටකට තනිව ඉදිරියට යා නොහැකි අතර, ලොව දියුණු සෑම රටක්ම එම ප්රගතිය උදාකරගෙන ඇත්තේ කලාප හවුල්කාරිත්වය තුළින් බව අමාත්යවරයා පැවසීය .
අමාත්යවරයා මෙහිදී තවදුරටත් පැවසූවේ, දෙපාර්ශ්වයටම ප්රතිලාභ ලැබෙන අයුරින් සහ තර්ජනයක් නොවන අයුරින් ඉන්දු – ලංකා සබඳතා වර්ධනය කර ගනිමින් ශ්රී ලංකාවේ සංවර්ධන අපේක්ෂා ඉටුකර ගැනීම ජනාධිපතිවරයාගේ වැඩපිළිවෙළ වන බවයි.
ඔහු මෙහිදී වැඩිදුරටත් පැවසූවේ කිසිසේත් රටට තර්ජනයක් වන දේ කිරීමට ජනාධිපතිවරයා හෝ රජය කටයුතු නොකරන බවත් මනා අවබෝධයෙන් සහ සියලු පාර්ශ්වයන්ගේ එකඟතාවයෙන් යුතුව එම කටයුතු ක්රියාවට නැංවීම රජයේ අරමුණද වන බවයි .
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
