කොළඹ “සිටි ඔෆ් ඩ්‍රීම්ස් – ශ්‍රී ලංකා” පරිශ්‍රයේ නව කැසිනෝ ශාලාව විවෘත කිරීමේ උත්සවය සඳහා බොලිවුඩයේ තවත් සුපිරි නළුවකු වන රිතික් රෝෂන් සහභාගී වීමට නියමිත බව වාර්තා වේ.
ඒ අනුව, අගෝස්තු 02 වනදා පැවැත්වෙන එම උත්සවයේ විශේෂ ආරාධිතයා වශයෙන් රිතික් රෝෂන් ශ්‍රී ලංකාවට පැමිණෙනු ඇති බව සඳහන්.
මීට පෙර මෙම කැසිනෝ ශාලාව විවෘත කිරීමේ උත්සවයේ විශේෂ ආරාධිතයා වශයෙන් සහභාගී වීමට නියමිතව සිටියේ බොලිවුඩයේ රජු හෙවත් “කිං ඛාන්” වශයෙන් හැඳින්වෙන ශාරුක් ඛාන් ය. කෙසේවෙතත් නොවැළැක්විය හැකි පෞද්ගලික හේතුවක් මත තමන්ට එම උත්සවයට සහභාගී වීමට නොහැකි බව ශාරුක් ඛාන් පසුගිය සතියේදී දැනුම් දී තිබිණි.
ජෝන් කීල්ස් සමාගම විසින් බහුකාර්ය සංවර්ධන ව්‍යාපෘතියක් වශයෙන් ඉදිකළ “සිටි ඔෆ් ඩ්‍රීම්ස්” පරිශ්‍රය තුළ මෙම කැසිනෝ ශාලාව පවත්වාගෙන යාමට අවසර ලබාගෙන ඇත්තේ හොංකොං හි ලැයිස්තුගත සමාගමක් වන Melco Resorts & Entertainment Ltd විසිනි. එහි හිමිකරු Lawrence Ho Yau Lung නමැති කැසිනෝ ව්‍යාපාරිකයකු බව සඳහන්. ඔහු සිටි ඔෆ් ඩ්‍රීම්ස් මැකාවු, සිටි ඔෆ් ඩ්‍රීම්ස් මැනිලා ඇතුළු කැසිනෝ ව්‍යාපාර කිහිපයක්ම රටවල් කිහිපයක පවත්වාගෙන යන අයෙකි.
අගෝස්තු 02 වනදා පැවැත්වීමට නියමිත මෙහි විවෘත කිරීමේ උත්සවය ආරාධිතයින්ට පමණක් වෙන්වූ උත්සවයකි.
සබැඳි පුවත් –
