රෂිකා හෙන්නායක ජූලි 26, කොළඹ (LNW):
අද (26) පාර්ලිමේන්තුවේදී විශේෂ ප්‍රකාශයක් කරමින්, වැඩබලන පොලිස්පතිවරයෙකු පත් කිරීමට ජනාධිපතිවරයාට මේ මොහොතේ නීතිමය ප්‍රතිපාදන නොමැති බව අගමැති දිනේෂ් ගුණවර්ධන පැවසීය.
දැනට පවතින පොලිස්පති ධූරය හිස් නොවන බව , එහිදී අගමැතිවරයා වැඩිදුරටත් සඳහන් කළේය.
"පොලිස්පති සම්බන්ධව වැඩ අත්හිටුවා ඇති ශ්‍රේෂ්ඨාධිකරණයේ නියෝගය බලරහිත කළයුතු යැයි කථානායකවරයා සහ පාර්ලිමේන්තුව වෙත සිහිපත් කරනවා. කථානායකවරයා මේ සම්බන්ධව හැකි ඉක්මණින් මැදිහත් වන ලෙස අපි දන්වා සිටිනවා." යනුවෙන් ද අගමැතිවරයා පැවසීය.
