රෂිකා හෙන්නායක ජූලි 26, ලෝකය (අවුට්බවුන්ඩ් ටුඩේ):
උතුරු හා දකුණු ගාසා තීරයේ ප්‍රදේශයන් දෙකම ඉලක්ක කරගනිමින් ඊශ්‍රායලය දැවැන්ත ප්‍රහාර මාලාවක් දියත් කර තිබෙනබව විදෙස් මාධ්‍ය වාර්තා කරයි.
ගාසා තීරයේ දකුණු දිග ප්‍රදේශයේ ඛාන් යුනිස් හා උතුරු ප්‍ර දේශයේ නගරයක් වන එන්ක්ලෙව් යන ප්‍රදේශයන් ඉලක්ක කරගනිමින් ඊශ්‍රායලය මෙම ප්‍රහාර එල්ල කර ඇත්තේ.ප්‍රහාරයන්ගෙන් මිය ගිය සංඛ්‍යාව කොතෙක් ද යන්න මේ වන තෙක් අනාවරණය වී නැහැ.
හමාස් සෞඛ්‍ය අමාත්‍යාංශය නිවේදනය කරන්නේ, කෙසේ වුව ද තුවාල ලැබු විශාල සංඛ්‍යාවක් රෝහල් වෙත රැගෙන ආ බවයි.
මේ අතර ඊශ්‍රායලය අග්‍රාමාත්‍ය බෙන්ජමින් නෙතන්යාහු ඇමෙරිකාවේ වොෂින්ටන් අගනුවර දී ජනාධිපති ජෝ බයිඩ්න් හා උප ජනාධිපති කමලා හැරිස් මුණගැසී ඇති අතර, එහිදි උප ජනාධිපතිවරිය සඳහන් කර ඇත්තේ හමාස් සංවිධානය සමඟ එකඟතාවයකට එළඹීමට නෙතන්යාහු කටයුතු කළ යුතු බවයි.
