ජාතික ජන බලවේගයේ පුත්තලම දිස්ත්‍රික් පාර්ලිමේන්තු මන්ත්‍රී අජිත් ගිහාන් අත් අඩංගුවට ගෙන අධිකරණයට ඉදිරිපත් කරන ලෙස හලාවත මහේස්ත්‍රාත් අධිකරණය පොලීසියට නියෝග කර තිබේ.
ඒ, ආරච්චිකට්ටුව ප්‍රාදේශීය සභාවේ හිටපු සභාපතිවරයෙකු වන ජගත් සමන්තගේ නිවසට හානිකිරීම සම්බන්ධයෙන් හලාවත මහේස්ත්‍රාත් අධිකරණයේ ගොනු කර ඇති නඩුව පෙරේදා (ජූලි 24) කැඳවූ අවස්ථාවේදී පාර්ලිමේන්තු මන්ත්‍රීවරයා අධිකරණ හමුවේ පෙනී නොසිටීම හේතුවෙනි.
මේ සම්බන්ධයෙන් සමාජ මාධ්‍ය ඔස්සේ වීඩියෝවක් පළකරමින් මන්ත්‍රීවරයා සඳහන් කර තිබුණේ තමන්ට නඩු දිනය පැටළීමෙන් වෙනත් දිනයක් තම දිනපොතේ සටහන් කරගෙන තිබුණු නිසා නඩුවට ඉදිරිපත් වීමට නොහැකි වුණු බවත් ඊයේ (ජුලි 25) දිනයේදී තමන් අධිකරණයට ඉදිරිපත් වුණු බවත් ය. එමෙන්ම මෙය සාමාන්‍ය වරෙන්තුවක් බව පැවසූ මන්ත්‍රීවරයා මේ පිළිබඳ පුවත් පළකළ මාධ්‍ය ආයතනවලට දෝෂාරෝපණයක් ද සිදුකළේය.
