කොළඹ LNW:ආනයනික බිත්තරයේ කිසිදු ගැටළුවක් නොමැති අතර එය පරිභෝජනයට ගත හැකි බව සමස්ත ලංකා ආපනශාලා හා අවන්හල් හිමියන්ගේ සංගමය අවධාරණය කරයි.
එහි සභාපති හර්ෂණ රුක්ෂාන් මහතා පවසන්නේ තමන් හොටල්කරුවෙක් ලෙස එම බිත්තර යොදාගෙන ආහාර පිස ඇති අතර ඒවායේ කිසිදු ප්‍රශ්නයක් මතු නොවුණු බවයි.
එහෙයින් එම බිත්තර සම්බන්ධයෙන් මවන බොරු බිල්ලන්ට නොරැවටෙන ලෙසයි ඔහු සඳහන් කරන්නේ.
එමෙන්ම ඉදිරියේදී එම බිත්තර සෑම හෝටලයකටම සහ අපනශාලාවකටම ලැබීමට සලස්වන ලෙසත් ඔහු ඉල්ලා සිටියි.
දන එම බිත්තරයක් රු. 35ක මුදලට ලබාගත හැකි හෙයින් ආහාර මිල ගණන් අඩුකිරීමටද හෝටල් හා ආපනශාලා ක්‍රියාකළ යුතුවන බවද රුක්ෂාන් මහතා පවසයි.
හොටල්කරුවන්ට ලැබෙන වාසිය මහජනතාවටද හිමිවිය යුතුවන බවයි ඔහු පවසන්නේ.
‘‘මම මේක සාම්පලින් කළා. කොත්තුවට දැම්මා. රයිස් එකට දැම්මා. බුල්සයි කළා. රොටියට දැම්මා. කිසිදු ගැටළුවක් නැහැ. වගකීම් සහතිකය හෝටල් තියෙන මනුස්සයෙක් විදිහට මම ගන්නවා. බොරු බිල්ලන්ට රැවටෙන්න එපා. මම,දැනුත් කාලා පෙන්නුවා. ඒ වගේම මෙරට බිත්තර සංගම්වලටත් සහනයක් ලැබුණා. ඔවුන් ඉල්ලා සිටි පරිදි බිත්තර මිල ගැසට් එක අයින් කරන්න කියල. දැන් ඔවුන්ටත් අඩු මිලට දෙන්න පුළුවන්. ඔවුන්ටත් රු 35ට දෙන්න පුළුවන් නම් මම මැදිහත්වෙලා ලංකාවේ බිත්තරය සියලුම හෝටල් ආපනශාලාවලට යවනවා. ආනයනික ඒවා නැති වුණත් කමක් නැහැ ඒ මිලට දෙනවා නම්. ලංකාවේ අයටත් දැන් අවස්ථාවක් තියෙනවා දැන් එන්න මාර්කට් එකට. එහෙම නැතුව බොරු බිල්ලෝ මවන්න එපා.”යනුවෙන් රුක්ෂාන් මහතා වැඩිදුරටත් ප්‍රකාශ කරයි.
ASK
