සටහන – නිශ්මං රණසිංහ
ජූලි 28, (LNW) කොළඹ :
ලොව අංක හතට ශ්‍රේණිගතව සිටින මැලේසියාවේ ලී ෂියා ජී හමුවේ සිය පළමු ඔලිම්පික් නියෝජනයේ දී පරාජයේ අමිහිරි බව වැළඳ ගන්නට විරෙන් නෙත්තසිංහට සිඳු වුණා.තරග වට 2-0 ක් ලෙස ලී මෙම තරගය ජයගත්තා.ලකුණු තත්ත්වය සටහන් වූයේ 21-14 සහ 21- 12 ක් ලෙසයි.
විරේන් සිය මංගල ඔලිම්පික් අත්දැකීමට සියයට සියයක් නිරවුල් මනසින් මුහුණ දුන් බවක් දකින්නට ලැබුණේ නැහැ.ඔහු නිවැරැදිව සිය හැකියාව ඉදිරිපත් කළ අවස්ථාවන් හී දී ලී ට යම් තර්ජනයක් එල්ල කරන්නට සමත් වුණා.ඒ තත්ත්වය අඛණ්ඩව පවත්වාගෙන යාමට විරේන් සමත් වූවානම් තරගය ජය ගැනීම කෙසේ වෙතත්,මේ තරගයේදී මීට වඩා ලී ට තර්ජනයක් වීමේ හැකියාව විරේන්ට තිබුණා.
