රෂිකා හෙන්නායක ජූලි 28, ලෝකය (අවුට්බවුන්ඩ් ටුඩේ):
න්‍යෂ්ටික සාකච්ඡා යළි ආරම්භ කිරීමට ඇමෙරිකාව හා ඉරානය එකඟ වී ඇති බවට වාර්තා පළ වන අතර , 2015 වසරේ ඉරානය හා ලෝක බලවතුන් අතර පැවති න්‍යෂ්ටික සාකච්ඡා යළි ආරම්භ කිරිමේ අරමුණින් ඇමෙරිකාව හා ඉරානය අතර මෙම එකඟතාවයට එළඹි ඇති බව විදෙස් මාධ්‍ය සදහන් කරයි.
දෙපාර්ශවය අතර සාකච්ඡා පැවැත්විම සදහා මැදිහත්කරුවෙකු ලෙස යුරෝපා සංගමයේ විදේශ ප්‍රතිපත්ති ප්‍රධානියා කටයුතු කර තිබෙන අතර, ඉරාන විදේශ කටයුතු අමාත්‍යවරයා මුණගැසීමෙන් අනතුරුව මාධ්‍ය හමුවේ ඔහු සදහන් කර සිටියේ ලෝක බලවතුන් සමග ඉරානය න්‍යෂ්ටික සාකච්ඡා යළි ඇරඹිමට කටයුතු කරන බවයි.
චීනය, ප්‍රංශය , ජර්මනිය, රුසියාව, එක්සත් රාජධානියා හා ඇමෙරිකාව එක්ව ඉරානය සමග 2015 වසරේ දී න්‍යෂ්ටික සාකච්ඡා පැවැත්වූ බව සඅහන් වේ.
