සටහන – පුලී
ජූලි 28, කොළඹ (LNW): අගෝස්තු 1 වනදා සිට එක්සත් ජනපදය රටේ තේ සහ රබර් අපනයන සඳහා 30% ක දැඩි තීරුබදු පැනවීමට සූදානම් වන අතර ශ්රී ලංකාවේ වැවිලි අංශය මේ කාරණාව සම්බන්ධයෙන් දැඩි පසුබෑමකට මුහුණ දී සිටී.
මෙම තීරණය රටේ තීරණාත්මක කර්මාන්ත දෙකකක් වන තේ සහ රබර් කර්මාන්තයන්ට විශාල පහරක් වනු ඇත.
තීරු බදු පැනවීම මඟින් විශේෂයෙන් ශ්රී ලාංකික නිෂ්පාදන සඳහා අත්යවශ්ය සහ වර්ධනය වන ගමනාන්තයක් වන ඇමරිකා එක්සත් ජනපදයේ, වසර ගණනාවක් තිස්සේ පැවති වෙළඳපල ගොඩනැගීම කෙරෙහි තර්ජනාත්මක බලපෑමක් අත් විඳීමට සිදුවනු ඇත.
තීරු බදු බලපෑම ග්රාමීය ප්රජාවන් පුරා පැතිර යා හැකි අතර එමඟින් ආයෝජකයින්ගේ විශ්වාසය තවදුරටත් අඩපණ කළ හැකි බවට කර්මාන්තයේ අදාල බලධාරීහු අනතුරු අඟවති.
මෙම සිදුවීම සම්බන්ධයෙන් ලංකා වැවිලිකරුවන්ගේ සංගමය (PA) සිය බරපතල කනස්සල්ල පළ කර ඇති අතර, වහාම රජයේ මැදිහත්වීමක් ද ඉල්ලා සිටී.
