යටිනුවර ප්‍රාදේශීය සභාවේ විපක්ෂ නායකවරයා, බිරිඳ සහ දියණිය සිය නිවස තුළ මියගොස් ඇති බව පොලීසිය පවසයි.
යහලතැන්න, සුනිලගම පිහිටි ඔවුන්ගේ නිවසේ තිබී ඔවුන්ගේ මළසිරුරු පොලීසිය විසින් සොයාගෙන ඇත.
මෙසේ මියගොස් ඇත්තේ 52 හැවිරිදි ප්‍රාදේශීය සභා මන්ත්‍රීවරයා, 44 හැවිරිදි ඔහුගේ බිරිඳ සහ 17 හැවිරිදි දියණියයි.
ප්‍රාදේශීය සභා මන්ත්‍රීවරයා ගෙල වැලලාගෙන සියදිවි හානිකරගෙන ඇතැයි පැවසෙන අතර ඔහුගේ බිරිඳගේ සහ දියණියගේ සිරුරු නිවසේ කාමර තුළ තිබී හමුවී ඇති බව සඳහන්. ඔවුන් දෙදෙනාගේ මරණවලට හේතුව මෙතෙක් අනාවරණය වී නොමැත.
පේරාදෙණිය පොලීසිය වැඩිදුර විමර්ශන සිදුකරයි.
