ප්රංශ ජනාධිපතිවරයෙක් මෙරට සංචාරයක නිරත වූ පළමු අවස්ථාව සනිටුහන් කරමින් ප්රංශ ජනාධිපති එමානුවෙල් මැක්රොන් මහතා සිය දකුණු පැසිෆික් කලාපයේ සංචාරයෙන් අනතුරුව ඊයේ (28) රාත්රියේ ශ්රී ලංකාවේ ඓතිහාසික සංචාරයක නිරත විය.
මෙහිදී ජනාධිපති රනිල් වික්රමසිංහ මහතා විසින් ප්රංශ ජනාධිපතිවරයාව ඉතා සුහදශීලිව පිළිගත් අතර පැයකුත් විනාඩි පහළොවකට ආසන්න කාලක් නායක දෙපළ සුහද සහ සාර්ථක ද්විපාර්ශ්වික සාකච්ඡවක ද නිරත වූහ.
ප්රංශය සහ ශ්රී ලංකාව අතර රාජ්ය තාන්ත්රික සබඳතාවල 75 වන සංවත්සරය සමරන මෙම අවස්ථාවේ දෙරට අතර ද්විපාර්ශ්වික සබඳතා තවදුරටත් ශක්තිමත් කර ගැනීම පිළිබඳ මෙම සාකච්ඡාවේදී විශේෂ අවධානය යොමු කෙරිණි.
ජාත්යන්තර සබඳතාවන්හිදී ප්රංශයේ මැදිහත්වීම අගය කළ ජනාධිපති රනිල් වික්රමසිංහ මහතා විශේෂයෙන් දේශගුණික විපර්යාස අවම කිරීම, විදේශ ණය ප්රශස්තකරණය සහ ඉන්දු-පැසිෆික් කලාපයේ ගැටලු පිළිබඳ දක්වන සහයෝගය ද අගය කළ බවයි ජනාධිපති මාධ්ය අංශය සඳහන් කරන්නේ.
RN
