සටහන – රෂිකා හෙන්නායක
කොළඹ (LNW): ජනාධිපති කාර්යාලයේ දී, මානව හිමිකම් කොමිෂන් සභාවේ සභාපතිවරයා ඇතුළු සාමාජිකයන් ජනාධිපති රනිල් වික්රමසිංහ මහතා හමු වී ඇති බව වාර්තා වේ. ඒ ඊයේ (28) පස්වරුවේදීය.
ඔවුන් පවසන්නේ , මේ වන විට ශ්රී ලංකා මානව හිමිකම් කොමිෂන් සභාව වෙත මහජන පැමිණිලි 11,000කට ආසන්න සංඛ්යාවක් ලැබී තිබෙන බවත් එම කටයුතු කරගෙන යාමේ දී කාර්යමණ්ඩල හිඟය ගැටලුවක් වී ඇති බවටත් ඔවුන් විසින් මෙහිදී ජනාධිපතිවරයා දැනුවත් කළ බවයි.
ඒ සඳහා කඩිනම් විසඳුම් ලබා දීමට පියවර ගන්නා බව ජනාධිපති රනිල් වික්රමසිංහ මහතා එහිදී සඳහන් කර ඇති බවයි වාර්තා වන්නේ.
එමෙන්ම රාජ්ය නිලධාරීන්ට සහ පොලිසියට අවශ්ය මාර්ගෝපදේශ මාලාවක් කඩිනමින් සකස් කර ඉදිරිපත් කරන ලෙස මානව හිමිකම් කොමිෂන් සභාවෙන් ඉල්ලා සිටි ජනාධිපතිවරයා, එමඟින් කොමිෂන් සභාව වෙත ලැබෙන පැමිණිලි සංඛ්යාව අවම කර ගැනීමට ඇති හැකියාව ද පෙන්වා දී ඇති බවයි පැවසෙන්නේ.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
