සටහන – රුවන් නෙළුගොල්ල
පොලිස්පතිවරයකු හෝ වැඩබලන පොලිස්පතිවරයකු පත් කරන ලෙස ජනාධිපති ලේකම්වරයාට ලිඛිතව දැනුම් දීමට මැතිවරණ කොමිසම තීරණය කර තිබේ.
ඒ, එම කොමිසම ඊයේ (30) රැස්වූ අවස්ථාවේදී ය.
මෙම ගැටලුවට කඩිනමින් විසඳුමක් ලබාදෙන ලෙසත් ලිඛිතව දැනුම් දීමට නියමිත බවයි මැතිවරණ කොමිසමේ සභාපති ආර්. එම්. ඒ. එල්. රත්නායක මහතා සඳහන් කළේ.
මීට අමතරව ජනාධිපතිවරණයට අදාළ තවත් කරුණු ගණනාවක්ම මෙම රැස්වීමේදී සාකච්ඡාවට භාජනය කර ඇත.
ජනාධිපතිවරණය ප්‍රකාශයට පත්කිරීමෙන් අනතුරුව මැතිවරණ කොමිසම පළමු වරට රැස්වූයේ ඊයේ දිනයේදී ය.
