පීදෙමින් තිබෙන ගොයමට ජලය ඉල්ලා ඇඹිලිපිටියේ ගොවීන් ආරම්භ කළ සත්‍යග්‍රහය සතියක් තිස්සේ ක්‍රියාත්මක වෙමින් තිබෙන නමුත් දුර්ධාන්ත ආණ්ඩුවේ බලධාරීන්ට ඒ පිළිබඳව කිසිදු සහකම්පනයක් නොමැති බව විපක්ෂ නායක සජිත් ප්‍රේමදාස මහතා පවසයි.
අක්කර 75000 ක පමණ වගාබිම් සඳහා ජලය සැපයීමට ආණ්ඩුව තවමත් අපොහොසත්ව ඇති අතර එයින් අක්කර 65000ක පමණම ඇත්තේ වී වගාව බවත් පවතින ජල ගැටලුව හේතුවෙන් ඉදිරි සතිය තුළ වී වගාවෙන් රුපියල් බිලියන 16.81 ක පමණ පාඩුවක් සිදුවිය හැකි යැයි පුරෝකථනය කර ඇති බවත් විපක්ෂ නායකවරයා පෙන්වා දෙයි.
ඒ අනුව, මෙම ගොවීන්ගේ වගා කටයුතු සඳහා අවශ්‍ය ජලය මුදාහරින්නැයි තමන් ආණ්ඩුවට බලකරන බවයි විපක්ෂ නායකවරයා නිවේදනයක් නිකුත් කරමින් සඳහන් කරන්නේ.
RN
