Friday, August 19, 2022
spot_img
spot_img

Latest Posts

සර්ව පාක්ෂික ගුණ්ඩුවලට අහුවෙන්න අපි ලෑස්ති නැහැ – ෆොන්සේකා (VIDEO)

සර්ව පාක්ෂික ගුණ්ඩු හසුවී පක්ෂය විනාශ කර ගැනීමට සූදානම් නැති බව සමඟි ජන බලවේගයේ පාර්ලිමේන්තු මන්ත්‍රී ෆීල්ඩ් මාෂල් සරත් ෆොන්සේකා මහතා පැවසුවේය.

එය විපක්ෂයට දෙන්න සූදානම් වන ටෝෆියක් බවයි මන්ත්‍රීවරයා සඳහන් කළේ.

සැබෑ ලෙසම සර්ව පාක්ෂික ආණ්ඩුවක් සැදීමේ අරමුණක් තිබුණේ නම් අගමැති ධූරය ප්‍රධාන විපක්ෂය ලෙස සමඟි ජන බලවේගයට දීමට තිබුණු බව ෆොන්සේකා මහතා සඳහන් කරන ලදී.

මේ අතර තමන් අරගලයේ නායකයෙක් හෝ අරගලය මෙහෙයවූවෙක් නොවන අතර එළඹෙන 09 වැනිදාද ජනතාවට කොළඹට එන ලෙස අරගලයේ නායකයින් කර තිබෙන ඉල්ලීම තමන් දුටු බවත් කුමන හෝ වැඩපිළිවෙලක් ඔවුන් ක්‍රියාත්මක කරන්නේ නම් ඊට උදව් කිරීමට කටයුතු කරන බව ඔහු ප්‍රකාශ කළේය.

ඔවුන්ට සහය දැක්වීමට පාර්ලිමේන්තුවේදී කතා කළ බවයි සරත් ෆොන්සේකා මහතා කියා සිටියේ.

යම් කිසි හෙයකින් එළඹෙන 09 වැනිදා අරගලකරුවන් විසින් යොදාගෙන තිබෙන වැඩපිළිවෙල දැනට පවතින තත්ත්වය හමුවේ පස්සට දැමීමට කටයුතු කළහොත් එවැනි තීරණ වලටද උදව් කරන බව මන්ත්‍රීවරයා කියාසිටියේය.

අරගලයට සම්බන්ධව අත්අඩංගුවේ පසුවන තරුණයෙකු සම්බන්ධයෙන් සොයා බැලීමට අද (02) කොල්ලුපිටිය පොලීසියට පැමිණි අවස්ථාවේ මාධ්‍ය වෙත අදහස් දක්වමිනුයි ෆොන්සේකා මහතා මෙම අදහස් පළකළේ.

ASK

Latest Posts

spot_img

Don't Miss

Stay in touch

To be updated with all the latest news, offers and special announcements.