සෑම අඟහරුවාදා දිනකම “Tasty Tuesdays” තුළින් ඔබට ආහාර පාන, රෙසිපීස් හැඳෙන හැටි, රෙස්ටුරන්ට් රිවීව්ස්, වයිරල් යන ඩිෂස්, මෙන්ම සංස්කෘතික ආහාර රටාවන් පිළිබඳ මනා අවබෝධයක් ලබා ගත හැකි වනු ඇත. රැඳී සිටින්න අප සමඟ!
සටහන – පුලී
අගෝස්තු 05, කොළඹ (LNW): කිරි කොස් මාලුව හෙවත් “කිරි කොස් කරිය” කොස් මදුළු වලින් සාදන ලද මෘදු, රසවත් නිර්මාංශ කරියකි, පොල් කිරි යහමින් දමා පිසින ලද සහ ශ්‍රී ලාංකික කුළුබඩු වලින් රස ගැන්වූ මෙම කරිය බත් ඕනෑ තරම් කෑ හැකි නොම්මර එකේ වෑංජනයකි.
මෙම ආහාරය:
• ස්වභාවික නිර්මාංශ ආහාරයකි
• සිංහල බෞද්ධ නිවාසවල ප්‍රධාන ආහාරයක් ලෙස සැලකේ.
• කොස්, පොල් කිරි සහ අබ ඇට වැනි දේශීය අමුද්‍රව්‍ය වලින් සාදන ලදී.
ශ්‍රී ලංකාවේ, කොස් ගෙඩිය ඉතා වැදගත් වන අතර එය සමහර විට “බත් ගස” ලෙස ද හැඳින්වේ.
වට්ටෝරුව: කිරි කොස් මාලුව
📝 අමුද්‍රව්‍ය:
• පැහුණු කොස් මඳුළු ග්‍රෑම් 500 ක පමණ ප්‍රමාණයක් (කැබලිවලට කපා)
• ඝන පොල් කිරි කෝප්ප 1 ½
• පෙති කපන ලද ළූණු ගෙඩියක්
• අමු මිරිස් කරල් 2-3 (කැපූ)
• අබ ඇට තේ හැඳි 1
• කහ කුඩු තේ හැඳි 1
• මහදුරු ඇට තේ හැඳි 1
• සුදුළූණු, කරාබුනැටි
• කරපිංචා / රම්පෙ
• ගම්මිරිස්/ මිරිස් තේ හැඳි 1/2
• රස අනුව ලුණු
• පොල් තෙල් මේස හැඳි 1
සකසා ගන්නා ආකාරය:
1. පැහුණු කොස් ගෙඩියක් ගෙන එය කැබලි වලට කපාගෙන පිස ගැනීමට සකස් කරන්න.
2.කොස් කැබලි, කහ, ගම්මිරිස්, මිරිස්, තුනපහ සහ ලුණු එකතු කරන්න. හොඳින් කලවම් කරන්න. පසුව ඊට සුදු ලූණු, ලූණු, රම්පෙ, කරපිංචා, කුළුබඩු එක් කර පිසගන්න.
3.පසුව පොල් කිරි වත් කර මෘදු ලෙස පිස ගන්න.
4.තෙම්පරාදු කිරීම සඳහා
• බඳුනක් ගෙන පොල්තෙල් දමා රත් කර, එයට අබ ඇට එකතු කර ඒවා බැදගන්න.
• ඉන්පසු ළූණු, සුදුළූණු, අමු මිරිස්, කරපිංචා, මහදුරු ඇට එකතු කර සුවඳ එනතුරු බැදගන්න.
5. අවසාන වශයෙන්,
• රස අනුව ලුණු දමා පිළිගන්වන්න.
පිළිගැන්වීම සඳහා:
• පිසූ බත් සමඟ
• පොල් සම්බෝලය, පරිප්පු, මැල්ලුමක් සමඟ සම්පූර්ණ කෑම වේලක් ලෙස ගත හැකිය.
• නැතහොත් රොටි සමඟ රසවිඳින්න.
ඔබ දැන සිටියාද?
ශ්‍රී ලාංකික ගම්මානවල, කිරි කොස් බොහෝ විට දර මත පිසින අතර, එයට සියුම් දුම් රසයක් ලබා දෙයි. මෙම ආහාරය ශ්‍රී ලාංකික සූපශාස්ත්‍ර උරුමයේ අලංකාර පිළිබිඹුවකි.
