රෂිකා හෙන්නායක අගෝස්තු 05, ලෝකය (අවුට්බවුන්ඩ් ටුඩේ):
කොකා-කෝලා වඩාත්ම ජනප්‍රිය සිසිල් බීම නොවන රටවල් ලෝකයේ ස්වල්පයක් ඇත. නමුත් පේරු හි එම ස්ථානය දරනු ලබන්නේ ඉන්කා කෝලා විසිනි – එය ජාතික අනන්‍යතාවයට ගැඹුරින් කාවැදී ඇති වසර 100 කට ආසන්න පැරණි පානයකි.
පුරාණ ඉන්කා අධිරාජ්‍යයේ ශ්‍රේෂ්ඨත්වය සහ එහි රන් කෙරෙහි ඇති ගෞරවය අවදි කිරීමට අදහස් කරන ලද කහ සෝඩා – ජෝසප් රොබින්සන් ලින්ඩ්ලිගේ නිර්මාණයකි.
1910 දී බ්‍රිතාන්‍ය සංක්‍රමණික ජෝසප් රොබින්සන් එංගලන්තයේ ඩොන්කාස්ටර් නම් ගල් අඟුරු කැණීම් නගරයෙන් පේරු බලා පිටත් වූ අතර, අනතුරුව ලීමා අගනුවර කම්කරු පන්ති දිස්ත්‍රික්කයක බීම කර්මාන්ත ශාලාවක් ආරම්භ කළේය.
ඔහු කුඩා කාණ්ඩවල කාබනික පළතුරු පාන වර්ග නිෂ්පාදනය කිරීමට පටන් ගත් අතර ක්‍රමයෙන් එය ව්‍යාප්ත විය.
ඖෂධ පැළෑටි සහ සුවඳ ද්‍රව්‍ය 13 ක රහස් වට්ටෝරුවක් සමඟින් 1935 දී ඉන්කා කෝලා නිර්මාණය කර ඇත්තේ, කොකා-කෝලා රටට පැමිණීමට වසරකට පෙරය.
1886 දී ඇමරිකා එක්සත් ජනපදයේ දියත් කර ලතින් ඇමරිකාව පුරා ව්‍යාප්ත වූ අනෙකුත් බීම දැවැන්තයන් විසින් එල්ල කරන ලද තර්ජනය හඳුනා ගනිමින්, ලින්ඩ්ලි පසු කාලයේ ඉන්කා කෝලා ප්‍රවර්ධනය කිරීම සඳහා රූපවාහිනී වෙළඳ දැන්වීම් කර්මාන්තයේ දැඩි ලෙස මුදල් ආයෝජනය කළ බවද වාර්තා වේ.
