මින් ඉදිරියට නුවර එළිය දිස්ත්රික්කයේ වනජීවී හා වන සංරක්ෂණ රක්ෂිත කලාපවලට අවසර නොමැතිව ඇතුළුවීම තහනම් කර ඇති බව නුවර එළිය දිස්ත්රික් ලේකම් නන්දන ගලබඩ මහතා පවසයි.
ඒ අනුව, අවසර නොමැතිව කඳු තරණය හා කඳවුරු බැඳීම ද ඊයේ (04) දිනයේ සිට ක්රියාත්මක වන පරිදි තහනම් කර ඇති බවයි ඒ මහතා සඳහන් කළේ.
තලවාකැලේ – ග්රේට් වෙස්ටර්න් කඳු මුදුනේ තිබී කාන්තා මළ සිරුරක් හමුවීමේ සිදුවීමෙන් පසුව වනජීවී නිලධාරීන්, පොලිස් නිලධාරීන්, වන සංරක්ෂණ නිලධාරීන් සමග දිස්ත්රික් ලේකම්වරයා ඊයේ දිනයේදී විශේෂ සාකච්ඡාවක් පවත්වා ඇත.
මින් ඉදිරියට නුවර එළිය දිස්ත්රික්කයේ පිහිටි ඕනෑම කන්දක් තරණය කිරීමට අවශ්ය නම් අදාළ ප්රදේශයේ පිහිටි රාජ්ය ආයතනවලින් අනුමැතිය ලබාගත යුතු අතර එම අනුමැතිය ළඟම ඇති පොලිස් ස්ථානයට ඉදිරිපත් කළයුතු බවටයි එම සාකච්ඡාවේදී තීරණය වී ඇත්තේ.
මෙම ක්රමවේදය මුලින්ම සාමාන්ය පරිදි ආරම්භ කෙරෙන අතර ඉදිරියේදී ජංගම දුරකථන ඇප් එකක් මාර්ගයෙන් අවශ්ය අවසරයන් ලබාදීමට කටයුතු කරන බවයි දිස්ත්රික් ලේකම්වරයා වැඩිදුරටත් සඳහන් කළේ.
RN
