වත්මන් ආණ්ඩුව හිටපු ජනාධිපතිවරුන්ගේ වරප්‍රසාද කප්පාදු කිරීමට කටයුතු කරන්නේ තමන්ගෙන් පළිගැනීම සඳහා බව හිටපු ජනාධිපති මහින්ද රාජපක්ෂ මහතා පවසයි.
ප්‍රශ්නය – කොහොමද දේශපාලන තත්වය දැන් ?
“දේශපාලන තත්වය ඉතින් මේ කට්ටියගෙන් තමයි අහන්න ඕනෙ දැන්, මගෙන් නෙවෙයි. (ඩී. වී. චානක මන්ත්‍රීවරයාව පෙන්වයි) මගේ ඉතින් පරණ අදහස් නෙ තාම තියෙන්නෙ”
ප්‍රශ්නය – හිටපු ජනාධිපතිවරුන්ගේ වරප්‍රසාද ඉවත් කරන්න මේ ආණ්ඩුව සූදානම් වෙනවා කියලා කතාබහක් ඇතිවෙලා තියෙනවා. මොකක්ද මේ ගැන ඔබතුමාගේ අදහස ?
“ප්‍රශ්නයක් නෑ අපිට … අපිට තිබිච්ච වරප්‍රසාදය ජනතාව දීපු වරප්‍රසාදය නෙ. ඊට වඩා ලොකු දෙයක් නෑ අපිට. ඉතින් ඒක තියෙනතාක් කල් ඕනෙ වරප්‍රසාදයක් ඉවත් කළාට ප්‍රශ්නයක් නෑ”
ප්‍රශ්නය – දැන් එහෙම වුණොත් විජේරාමේ අත්හැරලා ඔබතුමාට මැදමුලනට යන්න වෙයිද ?
“මැදමුලන වැඩිය හොඳයි නේ … විජේරාමෙට වඩා ඉතාම හොඳයි මැදමුලන”
ප්‍රශ්නය – ඔබතුමා හිතන විදියට ආණ්ඩුව මෙහෙම දෙයක් කරනවා ඇත්තේ මොනවගේ පරමාර්ථයකින්ද ?
“පළිගන්න”
ප්‍රශ්නය – ආණ්ඩුවේ වැඩපිළිවෙල ගැන ඔබතුමා මොකක්ද ඔබතුමාගේ අදහස ?
“අවශ්‍ය නෑ ….”
මහින්ද රාජපක්ෂ මහතා මේ බව පැවසුවේ ඊයේ (05) කොළඹදී පැවති එරන්ද ගිනිගේ මහතාගේ නවකතාවක් එළිදැක්වීමේ උත්සවයට සහභාගී වීමෙන් අනතුරුව මාධ්‍ය වෙත අදහස් දක්වමිනි.
