අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් විසින් , හිටපු රාජ්ය අමාත්ය ශෂීන්ද්ර රාජපක්ෂ මහතාව අත්අඩංගුවට ගෙන තිබේ.
ඔහු ශ්රී ලංකා මහවැලි අධිකාරියට අයත් සෙවනගල, කිරි ඉබ්බන් වැව ප්රදේශයේ පිහිටි ඉඩමක අනවසරයෙන් ඉදිකර ඇති ගොඩනැගිල්ල ඇතුළු දේපළ 2022.05.09 වන දින ඇති වූ ජනතා අරගලයේ දී හානියට පත්වීමෙන් පසු එකී දේපල සඳහා වන්දි ගෙවීමේ දී එම දේපල ශ්රී ලංකා මහවැලි අධිකාරිය සතු දේපළක් බවට හඳුනා ගෙන අදාළ වන්දි ගෙවීම ප්රතික්ෂේප කර තිබිය දී ඊට පටහැනිව හානිපූර්ණය සඳහා වන කාර්යාලයට අනුයුක්තව කටයුතු කළ සමහර රජයේ නිලධාරීන්ට තම නිල බලය භාවිතා කරමින් බලපෑම් සිදු කර, වන්දි ලබා ගැනීමෙන් දුෂණය නැමැති වරද සිදු කිරීම, සහ කුමන්ත්රණය කිරීම මෙන්ම මෙම දේපළ මහවැලි අධිකාරිය සතු ඉඩමක පැවති බැවින් මහවැලි අධිකාරිය සතු දේපළක් සාපරාධී සාවද්ය පරිහරණය තුළින් 1999 අංක 28 දරන පනතින් සංශෝධිත 1982 අංක 12 දරන පොදු දේපල විෂයෙහිලා සිදු කරනු ලබන වැරදි පිළිබඳ 5(1) වගන්තිය ප්රකාරව දඬුවම් ලැබිය හැකි වරදක් සම්බන්ධයෙන් වන චෝදනා මත මෙම අත්අඩංගුවට ගැනීම සිදු කර ඇත. අත්අඩංගුවට ගන්නා ලද සැකකරු කොළඹ ප්රධාන මහේස්ත්රාත් අධිකරණය වෙත ඉදිරිපත් කිරීමට නියමිත බව වාර්තා වේ.
