සෑම බඳාදා දිනකම “Wanderlust Wednesday” තුළින් ඔබට ලස්සන තැන්, සතුන් පිළිබඳ විස්තර, ඔබ යන්න ආසාවෙන් බලාගෙන සිටින ස්ථාන, ස්වභාව සෞන්දර්ය, ගංඟා ඇළ ඳොළ පිළිබඳ මනා අවබෝධයක් ලබා ගත හැකි වනු ඇත. රැඳී සිටින්න අප සමඟ!
සටහන – පුලී
අගෝස්තු 06, කොළඹ (LNW): මේ සතියේ අපි ශ්‍රී ලංකාවේ සංස්කෘතික උරුමය විදහාපාන ඓතිහාසික කන්ද උඩරට පුරවරය පිළිබඳව ගවේෂණය කරමු! මහනුවර යනු කඳුකර, උරුමයන් සහ පූජනීය සම්ප්‍රදායන්ගෙන් පිරුණු නගරයකි. මේ දිනවල පැවැත්වෙන සෙංකඩගලපුර ඇසළ මහා පෙරහැර මංගල්‍යය යනු සුවහසක් ජනී ජනයාගේ ඇස් බැඳ තබා ගැනීමට සමත්කම් දැක්වූ චාරිත්‍යාංගයකි.
2025 වසරේ ජූලි අග සිට අගෝස්තු 8 වන දින දක්වා, ආසියාවේ ශ්‍රේෂ්ඨතම සහ පූජනීය උත්සවවලින් එකක් වන මෙම ඓතිහාසික ඇසළ පෙරහැර මංගල්‍යයෙන් මුළු මහනුවරම ආලෝකමත් වනු ඇත.
බුදුන්ගේ පූජනීය දන්ත ධාතූන් වහන්සේට කැප වූ මෙම පුරාණ පෙරහැර භක්තිය සහ විස්මිත දර්ශනය මුසු කරනු ඇත.
• රන්වන් සළුවලින් සැරසුණු අලංකාර අලි ඇතුන්
• සාම්ප්‍රදායික උඩරට නර්තන ශිල්පීන්, ගිනි බෝලකරුවන් සහ බෙර වාදකයින්
• සියවස් ගණනාවක් පුරා පැවත එන පූජනීය චාරිත්‍ර වාරිත්‍ර සහ ආශිර්වාද
• පෙරහැර දිනයන් හි සෑම රාත්‍රියකම මහනුවර වීදි හරහා ගලා යන ආලෝක සහ සංස්කෘතික අභිමානය
යනාදිය රැඟත් ගාම්භීර පෙරහැර බැති සිතින් නරඹා ඔබට සිත් පහදවා ගන්න!
ඔබ සංස්කෘතිය, අධ්‍යාත්මිකත්වය හෝ අමතක නොවන මතකයන් පසුපස හඹා ගියත්, ඇසළ පෙරහැර අතරතුර මහනුවර යනු ආත්මය ස්පර්ශ කරන මහඟු අත්දැකීමකි.
