සටහන: සශිකලා මධුෂාණි
අගෝස්තු මස 09: ලෝකය(අවුට්බවුන්ඩ් ටුඩේ): ප්රංශයේ ප්රදේශ රැසක පැතිර යන දැවැන්ත ලැව්ගිනි සම්බන්ධයෙන් මේ වන විට පුද්ගලයන් සිය ගණනක් අත්අඩංගුවට ගෙන තිබේ.
ප්රංශ බලධාරීන් පවසන්නේ රටේ ලැව්ගිනිවලින් බහුතරයක් මිනිස් ක්රියාකාරකම් හේතුවෙන් ඇතිවන බවයි. ඒ අතර හිතාමතා ගිනි තැබීම් මෙන්ම මිනිස් නොසැලකිල්ලෙන් සිදුවන ගිනි ගැනීම්ද ඇතුළත් වේ.
කෙසේ වෙතත්, ලැව්ගිනි වේගයෙන් පැතිරීමට අධික උෂ්ණත්වය, වර්ෂා හිඟය සහ වියළි කාලගුණික තත්ත්වයද ප්රධාන වශයෙන් බලපා තිබේ.
හිතාමතා ගිනි තැබීම් සිදු කළ බවට තහවුරු වන පුද්ගලයන්ට එරෙහිව නීතිමය ක්රියාමාර්ග ගන්නා බව බලධාරීන් නිවේදනය කර ඇති අතර දේශගුනික විශේෂඥයන් පෙන්වා දෙන්නේ මෙම තත්වය දේශගුණික විපර්යාස සහ වැඩිවන උණුසුම් කාලගුණය සමඟ සම්බන්ධ වන විශාල පාරිසරික අභියෝගයක් බවයි.
