සටහන: සශිකලා මධුෂාණි
අගෝස්තු මස 09: ලෝකය(අවුට්බවුන්ඩ් ටුඩේ): ජනප්‍රිය ගායිකා ටේලර් ස්විෆ්ට්ගේ ගීත කිහිපයක් ඩොනල්ඩ් ට්‍රම්ප්ගේ මැතිවරණ ප්‍රචාරක සටහන් සහ ධවල මන්දිරයේ සමාජ මාධ්‍ය පළ කිරීම්වලින් ඉවත් කර තිබේ.
ට්‍රම්ප්ගේ කණ්ඩායම විසින් මීට පෙර ස්විෆ්ට්ගේ “Red” සහ “We Are Never Ever Getting Back Together” වැනි ගීත භාවිත කර තිබුණද, පසුව එම ගීත වීඩියෝවලින් ඉවත් වී තිබීම විශේෂ අවධානයට ලක්ව ඇත.
මෙහි විශේෂත්වය වන්නේ, ටේලර් ස්විෆ්ට් විසින් ජනාධිපතිවරණයේදී ට්‍රම්ප්ගේ ප්‍රතිවාදියා වූ කමලා හැරිස්ට සහය පළ කර තිබීමයි.
කලාකරුවන්ගේ ගීත දේශපාලන ප්‍රචාරණ සඳහා භාවිත කිරීම පිළිබඳ මතභේදය මේ සමඟ යළිත් කරළියට පැමිණ ඇති අතර ගීතයක් දේශපාලන පණිවිඩයක් බවට පත් වූවාද? යන්න විවේචකයන් ප්‍රශ්න කර තිබේ.
