කොළඹ LNW:ශ්‍රී ලංකා රතු කුරුස සමාජයේ අවසාන වරට පැවැති නිලවරණයේදී තනතුරු අහිමි වූ පිරිසක් ශ්‍රී ලංකා රතු කුරුස සමාජයේ ගෞරව නාමයට හානි කරමින් මාධ්‍යයන් ඔස්සේ අදහස් ප්‍රකාශ කිරීමට එරෙහිව අධිකරණයට යාමට ශ්‍රී ලංකා රතු කුරුස සමාජය තීරණය කර තිබේ.
පසුගියදා (07) රැස් වූ ශ්‍රී ලංකා රතු කුරුස සමාජයේ අධ්‍යක්ෂ මණ්ඩලයේ විශේෂ සාකච්ඡාවකදී මෙම තීරණයට එළඹි බව ශ්‍රී ලංකා රතු කුරුස සමාජයේ ප්‍රකාශක නවීන්ද්‍ර සේනාරත්න මහතා සඳහන් කළේය.
ඒ අනුව ශ්‍රී ලංකා රතු කුරුස සමාජයේ හිටපු මධ්‍යම පාලක මණ්ඩල සාමාජික සුනිල් දිසානායකට එරෙහිව මේ වන විටත් නිතිමය කටයුතු ආරම්භ කර ඇත.
හිටපු ජාතික ලේකම් වූ සෙල්ලහැන්නදිගේ නිමල් කුමාර්ට හා හිටපු මුදල් කොමිසමේ සභාපති පියුම් ප්‍රසන්න දසනායකට එරෙහිව , ශ්‍රී ලංකා රතු කුරුස සමාජයේ කිර්තිනාමයට හානි සිදුකිරිම, වැරදි තොරතුරැ සමාජගත කිරිම හා සිදුකර ඇති තවත් වැරදි සම්බන්ධයෙන් නීතිමය කටයුතු හැකි ඉක්මණින් ආරම්භ කිරිමටයි මධ්‍යම පාලක මණ්ඩලය ඒකමතිකව තීරණය කර ඇත්තේ.
