ජනාධිපති අනුර කුමාර දිසානායක මහතා රට භාරගන්නා විට ණය ප්‍රතිව්‍යුහගතකරණයවත් සිදුකර නොතිබුණු බවත් හිටපු ජනාධිපති රනිල් වික්‍රමසිංහ මහතාටත් බැරිවුණු ණය ප්‍රතිව්‍යුහගතකරණය සිදුකරන ලද්දේ අනුර කුමාර දිසානායක මහතා විසින් බවත් ඉඩම් හා වාරිමාර්ග නියෝජ්‍ය අමාත්‍ය සුසිල් රණසිංහ මහතා පවසයි.
”බංකොලොත් වෙලා තිබුණු රට අපිට හම්බවෙනකොට ණය ප්‍රතිව්‍යුහගතකරණයවත් කරලා තිබුණෙ නෑ. රනිල් වික්‍රමසිංහටත් බැරිවෙච්ච ණය ප්‍රතිව්‍යුහගතකරණය කළේ අනුර. ණය ප්‍රතිව්‍යුහගතකරණය කළා විතරක් නෙවෙයි අපි දැන් 2028 ණය ගෙවන්න පුළුවන් ආර්ථිකයක් හදන ගමනේ යන්නෙ. ඒ නිසා බොරුවට ගමේ කුලප්පු කරන්න එපා මිනිස්සු. මේ මාස 9 ට අනුර හොඳටම මැච් එක ගහලා තියෙන්නෙ. දැන් මේ දවස්වල පොඩි චූන් එකක් ගන්නවා විශේෂයෙන්ම ඔය පොහොට්ටුවේ කට්ටිය මේ රොකට් එකේ එල්ලිලා. වැඩිය දඟළන්න එපා, ඒ වේගෙන්ම ඇද වැටෙයි බිමට”
නියෝජ්‍ය අමාත්‍ය සුසිල් රණසිංහ මහතා මේ බව පැවසුවේ පොලොන්නරුව ප්‍රදේශයේ පැවති උත්සවයකින් අනතුරුව මාධ්‍ය වෙත අදහස් දක්වමිනි.
